Ұстаздар күні мерекесіне орай ұйымдастырылған мерекелік концертіне мектебіміздің оқытушылары және оқушылары қатысып өз өнерлерін ортаға салды. Мерекелік концерт мектебіміздің оқытушылары сахналаған театрландырылған концертпен бастау алды. Құмқұдық филиал оқушыларынан құралған "Ұстазым" хоры кеш қонақтарына керемет көңіл-күй сыйлады. Жетекшісі: Е.Абдижаппаров. Мектеп оқытушыларынан құралған "Ақжелең" домбырашылар ансамблі және хореография класс оқушыларының орындаған билері көрерменге ерекше серпін берді. Жетекшілері: М.Ахмедияр, Ж.Асқарқызы және А.Еркебұланқызы. "Бір үйдің баласындай" және "Ұстаз" әндерін шырқаған Қарабұтақ жастарына қошемет ерекше болды. Жетекшісі: М.Тәжібаева. Мерекелік концерт жоғары деңгейде өтіп, кеш қонақтары өнерпаздарға алғысын айтып, өз ризашылықтарын білдірді.

Мерекелік концертке ат салысқан барша оқытушыларға және оқыушыларға зор алғысымызды білдіреміз.