Мектебімізде "Үйренейік, ізденейік, жас маман" тақырыбында жас мамандардың апталығы басталды. Мақсаты: жас мамандардың теориялық білім, білігін практикамен ұштастырып, кәсіби шеберлігін шыңдауға ықпал ету.

Апталықтың басы "Бүгінгі жас—болашақ білікті ұстаз" тақырыбындағы форуммен басталды. Форумға аудандық білім бөлімінің әдіскері Шәмшиева Лаура апай мен аудандық кәсіподақ ұйымының төрағасы Бекетов Зейнел ағай қатысты. Форум барысында баяндамалар оқылып, сұрақ-жауап айдарында келген қонақтарға сұрақтар қойылды. Қатысушы оқушылар да тақырыпқа сай ойларын ортаға салды. Мектеп Парламенті мүшелері әдемі жырларын арнады. Форум соңында Рәміздердің 30 жылдығына орай қатысушыларға ту таратылып, "Көк тудың желбірегені" әні шырқалды.