Әйке филиалына биыл 1-класқа 5 оқушы қабылданған болатын. Концерттің басы 5 оқушыны салтанатты түрде 1-класқа қабылдау рәсімімен басталды. Яғни, 5 оқушыға галстук тағылды. Галстукты тәрбие орынбасары Гүлдана Қалмағанбетова мен хореография класының оқытушысы Айсұлу Абилова тағып, алдағы жұмыстарына сәттілік тіледі. Әрі қарай оқушылардың концерттік бағдарламасымен жалғасып, дарынды, талантты оқушыларымыз өз өнерлерін көрсетті. Оқушылардың өнерін тамашалауға келген көрермендер қол соғып, өз ризашылықтарын білдірді. Концерт соңында ауыл әкімі Н.Смагулов сөз сөйлеп, оқушылар мен филиал жетекшісі Маринат Қартбаеваға ерекше алғысын білдірді. Сонымен қатар, тәрбие орынбасары Г.Қалмағанбетова қорытынды сөз сөйлеп, кешке ат салысқан оқушылар мен ата-аналарға алғысын білдірді және  мектеп директоры Берсугирова Шолпан Мазбаевнаның арнайы Алғыс хаты мен естелік сыйлығын табыстады.

Алдағы уақытта Филиал ұжымына тек сәттілік тілейміз, әрқашан биік шыңдарды бағындыра беріңіздер!